على وسديم اولادى . أكتب اليكم لأنكم وحشتونى . والله مابتغيبوا عنى وصورتكم أمام عينى على طول. مش قادر أتخيل انى ممكن اعيش وانتوا بعاد عنى. يا صغيرين مش ممكن أنساكم أو أتخلى عنكم . أنسى نفسى مش ممكن . أنا بحلم باليوم اللى أخرج فيه مع على ونروح نصلى الجمعة. ويقعد جنبى فى الجامع فى خشوع الصالحين وهو نفسه يقوم يجرى ويلعب ويقعد يبص على بعنيه الشقية ويعمل نفسه بيصلى. والله واحشنى يا أبنى. نفسى أضمك يا سديم لصدرى واحس بيكى. أول ضمة ليكى فى صدرى كانت بعد ولادتك بلحظات. كنتى بتبكى فى أيد الممرضة. مجرد ما شلتك سكتى فى هدوء. ولما رجعتك للممرضة بدأتى فى البكاء تانى. فأخذتك مرة ثانية. فى لحظتها هديتى وسكتى على طول. ومن ساعتها وما كنتيش تسكتى الا فى صدرى. والله وحشتى صدرى وما بتفارقى عينى. شايفكم أدام عينى دايما. يا رب أجمعنى بيهم على خير. يا رب
هناك ١٩ تعليقًا:
god with u and will help u to find them again
why u r in this problem
good iwth u and with yr kides
inshallah u will find them
i got touched
i wish you got them very soon be patient & pray for god to save them
ربنا يطمنك عليهم يادكتور أحمد
بجد انا أتأثرت جدا من الاعلان اللى مكتوب فى الاهرام الجمعه
وبرضه لقيت الخبر على مصراوى
بجد الحمله ناجحه واكيد هتجنى ثمارها قريبا جدا جدا جدا يادكتور أحمد
ربنا معاك إن شاء الله وهيوفقك فى انك تعرف هما فين وتاخدهم فى حضنك
لآنهم بجد مش هيلاقو أب حنون ومخلص زيك بلى بتعملو ده
وربنا يهدى أمهم بجد ويبعد عنها شياطين افكارها
أخوك الصغير احمد حمدى
أنشاء الله وربركة أهتمامكم ودعائكم حصلى الجمعة مع على وحاخد سديم فى حضنى زى ما كنت دايما بعمل .. بارك الله فيكم
لوأمكنكم الكتابة الى والى زوجتى على الأيميل ifsyam@tedata.net.eg
فلكم وافر الشكر
أختى العزيرة فاطمة فؤاد .. بخصوص سؤالك أرجو الأتصال بزوجتى على البريد الألكترونى nerminedarwish@yahoo.com
وكذلك السيد والدها على البريد الألكترونى ifsyam@tedata.net.eg
ولكى وافر الشكر
ملحوظة : البريد الألكترونى الخاص بزوجتى هى اخر معلومات عندى وأنا دائم الارسال عليه ولا اتلقى منها أر رد.
insha allah you will got ur children as soon as possible.
by the way what does sadim means
Thank you so much for your support. Sadime means the light of the group of stars. In a clear night you can see a cloud of stars in the sky. This white cloud of stars is "Sadim"
بجد والله العظيم أنا حاسه ان الخير قرب أوييييييييييييييي و هتاخد سديم في حضنك و على كمان .. علشان أنا شايفة ان حضرتك أب مخلص و حنون أوييييييييي وربنا مش هيضيع التعب ده كله و طالما حضرتك تعبت و دورت والله ربنا هيرجعلك على و سديم طالما بلاقانون مش نافع عداله ربنا هى ال هتفصل في الموضوع ده بس ياريت بقه حضرتك ساعتها تفتكرنا و تدعلنا
والله والله والله انا متأكده ان الخير جاي لحضرتك في جملة انجليزيه بس جامده أوييي في معناها بتقول
Decide what you want and go for it
وطالما حضرتك بتحب أولادك ومصمم أن ترجعهم هيرجعوا وكل مشوارك في البحث عنهم علشان نهاية المشوار ان شاء الله قربت أوييييييييييييييييييييي و سعيده أويييييييييييييي و ياريت لو الموضوع فيه جديد حضرتك تطمني على الميل
elawam2005@yahoo.com
والله يا دكتور ان بجد والله نفسى اعمل اى شئ سعدك بيه بجد لو اقدر اعمل شئ قولى اعمل ايه وانا اعمل الى تطلبه ربنا يارب يجمعك بيهم على خير ويخلهملك
انت اب عظيم وفخر ليهم
ابنك او اخوك الصغير محمد
دكتور احمد
من ساعة ما شفتك في العاشرة مساء وانا بديت اهتم بموضوع اولادك علي وسديم ربنا يرجعهم لك بالسلامة وتكحل عينك برؤياهم وياريت تدعي دائما بدعاء اللهم ياجامع الناس ليوم لاريب فيه اجمعني بعلي وسديم واقرا سورة الضحى دايما بنية انك تلاقيهم
وصدقني ربنا حيرجعهم لك بالسلامة ربنا يطمن قلبك عنهم ...نسيم -السعودية
بفضل دعائكم وأهتمامكم .. سيجمعنا الله على خير .. وسوف تكون بداية لنهاية معاناة الأطفال فى ظروف على وسديم أنشاءالله.
انافتاة مصرية من ساعة ما شوفتك فى العاشرة مساء تاثرت جدا جدا بمشكلتك التى يعانى منها الكثيرون وبكيت بشدة عندما سمعتك وتسائلت كيف يكون شعورك.فحقا الله يكون فى عونك وربنا اكيد معاك وطالما المولى عز و جل معاك فلابد الا تخاف بل تدعو الله ان يردهما اليك و سيستجيب اليك باذن الله فالله قال ادعونى استجب لكم وتفاءل دائما فى شهر رمضان المبارك فلست وحدك من يدعو الله ولكن الكثير و الكثير يدعون معك ومنهم الكثير من الداعية والمؤمنين مستجيبى الدعوات .وانا اشعر حقا ان رؤيتك لعلى و سديم اقتربت لان الله تعالى قد جعل الكثير يشعرون بك ويساندوك ويدعون لك فى رمضان واكيد دى اشارة من المولى انه استجاب لدعوتك ان شاء الله .وانا بعون الله سانشر قصتك و ابعثها للكثير ليدعوا لك المولى واطمئن اخى ((من وجد الله فماذا فقد!!))وربنا معاك
الله معك أخى الفاضل......وأن شاء الله ربنا يجمعك بأولادك ....قريبا بأذن الله.....وأناشد أم الأولاد وأهلها وجيرانها وكل من يعرفون الأولاد.....أن يقوموا بمساعدة أب يريد رؤية أولاده....واعلمى أيتها الأم الفاضلة انه كما تدين تدان....ومهما كانت الخلافات ...فأنه لايرضى الله أن تحرمى أب من أولاده....فهو انسان مثلك يريد أن يعطى مشاعر الأبوة لأولادك....كما أن أولادك يريدون حنان الأب.....هل تستطيعين أن تنسى شعورك بالأمومة....هل تريدين أن يحرمك أحد من رؤيتهم واحتضانهم.....أناشدك أيتها الأم لأنك سوف تسألين عن ذلك يوم القيامة.....أناشد ايمانك بالله....أناشد قلب أم لترحم أولادها وأبيهم.....مهما كانت الخلافات يجب أن تكون أعمالنا خالصة لوجه الله تعالى....نعطى ليس من أجل أن نأخذ شئ من أى بنى أدم.....ولكن لنأخذ الثواب من عند الله تعالى.....لو كلنا فكرنا كده....أكيد مش حيحصل المشاكل دى فى ظل المصالح وأنانية الكثيرون الذين لايعترفون بأى عواطف ....ويسألون دائما يعنى احنا كنا خدنا ايه.....أو يكون غرضهم الأنتقام.....أناشدك أيتها الأخت المؤمنة بالله....لكى يرحمك الله ويحفظ أولادك....ويحفظك...ويكافئك برؤية أحفادك...وسؤال أولادك عليكى بعد أن يمر قطار العمر....ارحمى أولادك...ارحمى أب يحب أولاده...ارحمى دموع ملايين يستعطفونك...ارحمى دموع الأب...الذى قلبه يحترق شوقا لرؤية أولاده......اللهم أجمع هذا الأب بأولاده...اللهم انر بصيرة
الأم.....وأنر قلبها بالرحمة ....اللهم أغفر لنا ذنوبنا....واهدنا وأرحمنا ياأرحم الراحمين يالله.....أمين
iam NOURHAN a student at the fuculty of engineering i cant say any thing more than god be with you and i hope that you can find them soon and i know that god will never leave you alone he will be with you and will give them back to you just pray to him and he will be with you you must know also that god test his best people good luck and hope to hear the god news about finding your little babies
يا الله بجد اتأثرررت جدددددا بالفيديوهات اللي حطيتها ع اليوتيوب واتخنقت وبكيييييييت..
هل زوجتك وعائلتها بلا قلب؟؟؟
الله معاك ويردللك أولادك قريييب ياااااارب ويجمعك بيهم ويرجعوا يناموا فـ حضن أبوهم.. الله يطمن قلبك
إرسال تعليق